Augustus 2007


Koppie tee

Melanie du Toit

 

Ek gooi vir jou ‘n koppie tee in een van my dye. 

Ek neem ‘n koppie en piering uit die boonste rak

en sit hom neer op ‘n vere kombers.

Ek loop 4 jaar die wêreld om opsoek na ‘n sakkie

met gekrummelde speserye van goeie herinneringe

‘n pakslae en 3 opgestopte poppies.

Ek swem tot in die middel van die see

om vir jou die suiwerste gekookte water te kry

wat daar geberg word in ‘n meer.

Ek vat 3 suikerriete toegevou in lemoen

en pars dit met toewyding en vertroue.

Ek neem ‘n kalf en maak hom self groot

ek voer hom liefde, trots en wysheid

en na 2 jaar skink ek vir jou melk wat uit

pienk goue spene bruis.

Ek vat my ringvinger en roer die stroom omgee.

Ek hardloop na die einde van ‘n Reënboog om

‘n goue skinkbord te gaan haal.

Ek kom maak jou wakker

 

“Opstaantyd, Tjoffeltjie, mamma het vir jou

‘n lekker koppie tee gebring.”

 

Geinspireer deur Desiré du Toit ‘n ma soos geen ander

vekansie-315.jpg

Hu-uh!! Nee!! Party mense dink darem maar net nie!!

Hoe gaan die blinde mensies die twee verskillende tipes plante kan sien?  Dom TWAT!!
En dis al wat ek hieroor te sê het!

Kan iemand asseblief net die meisies wie se buuste uit hul toppie’tjie’tjies wil uitpop terugdruk!

En nou praat ek nie net van bo nie, maar van die agter-onderste deel ook! Het jy al ooit agter ‘n girl geloop wie se ‘kraak’ 5cm bo haar broek uitloer?  Kon jy nie konsentreer op dit wat een of ander persoon sê omdat twee groot rondings nie skaflik toegemaak is nie? 

Kan iemand my asseblief inlig, net hoekom party mense nie die term “skaflik” verstaan nie, is hierdie krake wat hulle ons so wys elke dag eintlik ‘n teken van ‘n kraak in hulle lewens? 

Ek glo in die vroulike vorm, ek glo in mooi rondings wat by gepaste geleenthede hulle talente kan afwys.  Maar moenie jou Stilleto’s klas toe dra nie, As jy buk gaan jou kraak uitsteek van jou stywe broek, en as jy vooroorleun is daar iets wat vir ander mense gaan loer!  Dis ook die tipe gedrag wat die verkeerde mans op die verkeerde plekke uitlok. 

Ek voel dat dames met respek nie hulself so rondwys nie en dat “leave something for the imagenary” nog van toepassing is in hulle lewens. 

Komaan dames, maak toe daai bene.  Zip op daai top.  En steek weg daai kraak.  Saam kan ons ‘n nasie van ingeblikte koeke wees met die soetse icing net vir diegene wat dit verdien om die blik oop te maak!

vekansie-036.jpg

 Ek het gistraand gedroom dat ek ‘n Venus skeermes met 4 lemme vir ‘n skrale R12.95 gekoop het by ‘n verkoopstannie hiervoor op my Koshuis se gras!

Beteken dit iets?

Ek het ook al een aand gedroom dat ek by ‘n kruisingpad is, die een kant was glad en reguit en die anderkant donker en vol klippe, daar het ‘n man op die vreemde pad gestaan en ek het hom agtervolg.  Terwyl ek die donkerte trotseer het slange my aangeval en letterlik begin pik, ek het hulle geslaan en neer gegooi en daar het net al hoe meer gekom.  Die onbekende man wat voor my geloop het, het nie eenkeer omgedraai nie.  Ek het wakker geword net voordat ‘n slang my in die gesig pik. 

Verduidelik daai een vir my??

Glo jy in drome? 

Ek dink rerig dis my onderbewussyn wat vir my iets wil sê… Maar WAT!!??

feet_and_hand_08_by_gabriell332.jpg

Ek dra ‘n nommer 8 skoen.  Dis moeilik om fancy voet dekorasies te kry met so ‘n kolosale probleem aan die onderkant van my lyf.  Boutiques se nommer “8” grootte skoen is eintlik maar ‘n Mr. Price nommer “6” en dis te sê as hulle eers so iets walgliks aanhou.  Elke keer as ek die pikante assistent vra:”Het jul dalk hierdie 4duim stilletto in ‘n 8?” gluur sy my aan en sê:”Ons het dit net tot in ‘n 6!” En as jy so gelukkig is dat daar dalk ‘n 8 is en hy pas, moet jy nie in die winkel opstaan nie, ja, ‘n hakkie het al eenkeer onder my voet ingegee… Wag tot by die huis dat jy kan oefen om eerder op jou tone te loop met petritse hakkies aan sodat die illusie geskep word van ‘n swevende groot poot engel op Cupid pyltjies.  As daar dan dalk ook erens ‘n nommer 8 afdeling is, is dit ook nie van die vleiendste nie, en lyk dit soos iets wat Hagar se vrou sou dra.  Ek slaan elke keer ‘n Revlon rooi uit in my gesig as ek op die klein kussing sit terwyl die winkel assistant aanskou hoe ek die Titanic en haar tweeling suster in ‘n “my first bra”-tipe ingangsportaal forseer.  

Nou vra ek jou, Waar is die Donna Claire van voetwees nou eintlik?  As my voete ‘n siel gehad het, en ‘n hart, sou hul verpletterd deur die lewe gegaan het en hul name sou bekend wees as Onbeminde Olga met haar Hak Helga en Vet Let met haar hoë brug Etta.   Dink die hele wêreld dat vrouens nie meer boere bloed het nie en so verskaf hul nou net alles in klein nommers??

Darem sukkel ek nie om ‘n bra te kry nie…

lonely-742719.jpg 

Hi.  Ek is eensaam. Toe dog ek of jy nie gou hier by die venster ‘n ou ietsie wil kom luister nie.  Ek sit met ‘n valsnoot in my mond en ek het gewonder of jy hom nie dalk vir my kan suiwer uiter nie?

Asseblief, ag, toe, ek vra so mooi. 

Wees ‘n darling en vat hierdie flat B mol en verander hom in ‘n asemteug van delikate druppels wat kaplons teen oordromme vibreer.  Pars hom  vol skugtigheid, skynheiligheid, jaloesie, ontnugtering en selfhelpprogramme.  Draai hom toe in ‘n goud geel pakkie en sit hom dan netjies neer op my skoot. 

Ag, toe nou, moenie skaam wees nie.

Wees ‘n lief en tel gou die pakkie op wat langs my bobeen lê.  Druk jou oor teen die gaatjie aan die bokant en luister.

Wat ‘n kak klank,né?

Dis die noot wat jy gister vir my gepasteuriseer het, toe ek nogsteeds eensaam was.