Ek loop in jou vas en vergeet my naam.

Ek kierang en slinger oor ‘n ritmiese maan;

hou piekniek op my eie en gaan dan bed toe vir ‘n laatnag-nag-nagmerrie.

… Jy staan langs ‘n oop graf en loer af in die put. Almal dra hanswors pakkies en erens in ‘n hoek staan ‘n familie met ‘n virus oor hul koppe.  Jy gooi jou eerste hopie grond op my en ek skrik wakker…

Ek staan verstom oor die feit dat jy nou net jouself in ‘n grondgraf begrawe het.

Met my reg langs jou.