Geduldig onrustig

Ek geniet julle geselskap en teenwoordigheid, rerig ek doen. Ek geniet die lukrake kuiers by die Koningin se kop en in die vuil kombuis. Ek voel oorweldig deur ons vinnige besluite om olierige kos te eet, voor die televisie te dans en om te sing terwyl amateuragtige Brazilianers op hul bokskitare tokkel.  Ek geniet die trein trip oppad na ‘n nuwe bestemming wat ons self nie weet waarheen ons oppad is nie en ek geniet julle lus vir die lewe en laatnag gebeurtenis stories. Ek doen. Ek geniet julle.

, (KOMMA)

MAAR

ek kan nie die onrustigheid in my binneste keer wanneer ek dink aan ‘n verlore liefde erens oor die see.  Ek sukkel om te slaap na ons vriendelike en opgewekte geselsies wanneer ek dan, as julle weg is, dink aan ‘n pouveer en ‘n skaapleeu.  Ek grou aan my hart se kamers, na ons lieflike aand uit, wanneer ek op die toilet gaan sit en net die bruin toiletrol en ou ketting om my het vir geselskap.  Ek skree teen my toonmure wanneer ek dink aan ‘n verlate bed en ‘n oorronde Hemelsgemaakte Skepping wat ek wil vasdruk tussen my arms.

Ek geniet julle almal en hierdie plek SO baie. Ek belowe ek doen, rerig.

,(KOMMA)

MAAR

ek kan nie wag vir die dag wat ek uit hierdie vervlakse, goddelose plek kan ontsnap na my oorspronklike hart wat in ‘n wit en groen woonstelblok vasgepen is!

Al wat ek oor het is om onrustig geduldig te wag met ‘n vriendin op die skoot en ‘n selfoon teen die oor.

Published by Melanie du Toit

I'm a Passionate Creative Writer who writes with rhythm and humor. My Bachelor's degree in Dramatic Arts, as well as 9 years experience within the education system and entertainment industry, has marinated me to be an expert in my current craft. In my spare time, I'm a nomadic traveler. I love experiencing new tastes, painting on city walls and discovering beauty in back alleys and untrodden streets. On the left side of my brain; I love going on new online business ventures, making money and sharpening my skills by partaking in professional growth courses.

Join the Conversation

7 Comments

  1. Ah, verlang. Tevrede leef met wat jy het en waar jy is, maar nogtans verlang.

    Jy vang die emosie goed vas. Was hierdie jou laaste inskrywing? Moet jou nie aan iemand soos katjiepiering steur nie. Mens noem dit ‘n trol en ek let op kajtjiepiering het nie self ‘n blog njie.

  2. besigtig self,
    die ander se
    weerkaatsing
    op maanbeligte see

    baljaar in vlak
    kaalvoet water
    … tyd soos sand
    deur ons tone

Leave a comment

Fill in your details below or click an icon to log in:

WordPress.com Logo

You are commenting using your WordPress.com account. Log Out /  Change )

Google photo

You are commenting using your Google account. Log Out /  Change )

Twitter picture

You are commenting using your Twitter account. Log Out /  Change )

Facebook photo

You are commenting using your Facebook account. Log Out /  Change )

Connecting to %s

%d bloggers like this: