Observasie


sahara-desert-sand-dune.jpgsahara-desert-sand-dune.jpgsahara-desert-sand-dune.jpg

 

Het sandkorrels name? En as hulle het of gehad het? Sou 10 miljoen van hulle se naam Piet gewees het? of Susan? of Sonja?

Sonja is ‘n algemene naam, of Natasja/Natasha/Natascha of Jolandi/Yolandi/Jolandy. 

Ja, sandkorrels sou nie name gehad het nie.. Maar as hulle sou, sou hul ma of pa hulle in nommers genoem het.  Soos 1, 2 en 3.  en dan sovoorts.

 

Of dalk het hulle net nie name gehad nie. Of dalk het hulle net nie name nie. Dalk is hulle net sand en sand het mos nie persoonlikhede nie.

Of het hulle? 

Ek is ‘n finale jaar drama student en een van my projekte blokke vir die jaar is “Interaktiewe teater”.  Dit is soos “Theatre for Community Development”, ons werk ‘n program uit bestaande uit ‘n oorhoofse tema soos: “Omgewing” dan inkorporeer ons hierdie tema in ‘n reeks speletjies wat ons dan by skole gaan aanbied.  Deur middel van die speletjies ontbloot kinders self probleme in hulle lewens of omgewings.  Ons bied nie oplossings nie, ons is net daar bloot om te dien as fassaliteerders.  Die oplossings kom later.

 

Groot was my skok toe ons ‘n program gaan aanbied oor kindermishandeling en daai hele storie van om respek vir jouself te hê en wat jou eie persoonlike spasie is ens. ens. by een van die skole net buite Stellenbosch.  Die onderwysers so 4 of wat het bygestaan toe ons die  program begin en so op  die kinders geskel as dit net lyk  of hulle ietsie verkeerd doen.  Toe die een kleintjie nie vinnig genoeg loop volgens die onderwyser se sin nie het sy hom omtrent ‘n stoot gegee dat sy amper oor haar eie voete struikel.  Hulle Afrikaanse woordeskat was ook nie baie waffers nie hulle het goed gesê soos:”Luister nou vir die juffroue!” en “Jul gaan mos nou stilsit en luister, nuh?” en “trek jou broek op,man, jou ballas hang uit!’.  Die onderwysers het tussenin speletjies ingechip en op die kinders gegil. 

Die arme kindertjies het geen selfvertroue nie en lyk heeltyd te bang om iets te sê.  Dit was  vir my erg om te sien dat hier is ons besig om te praat oor hoe om mekaar te behandel en dat emosionele en fisiese aftakeling verkeerd is en dat die onderwysers hul nie eers daaraan steur nie en die grootste sondebokke is van die lot.  As hulle nie eens respek het vir ons fasaliteerders nie.. Ag, nee. My gesig kook sommer!

En dis hoe ons kinders groot  word.  Wonder of die onderwysers vir opleiding gegaan het of is hulle maar net by chance daar gesit is omdat hulle nie erens anders werk het nie?  Besef die regering dat die kinders ons land se toekoms is?

 

Ag, nee.  Iemand help net

 

 

 

Daar staan “Jeep” op jou hemp.  nogals ge-registered ook.  Dis so gelerige-groen-poef kleur wat net ‘n blinde persoon as aanskoulik sal vind.  Die hemp is verblyk, uitgerek en vuil met ‘n paar kreukelmerke wat jou ander vuil klere seker vir hom gegee het toe hy vanoggend nog in die wasgoedmandjie gelê het. 

Hy klok aan die onderkant uit omdat jy hom al telkemale, oor en oor aftrek sodat hy jou groeiende middellyf kan wegsteek, maar jou soveel keer in die steek laat omdat hy net te klein vir jou lyf geword het.  Die een letter is besig om af te skeur nadat jy hom al twee keer met bostik vasgeplak het.  Hy stink na ou motte en jou ouma se poeierige parfuum. Jy voel nie goed nie, jy eet te veel.

Die neklyn sit styf om jou keel nadat jy hom oor jou kop gewurg het en met die deur ‘n gaatjie kon sien wat net bo die “J” ontwikkel het na ‘n boomklim sessie.

Tyd vir nuwe klere…

Ek het eergister oor ‘n stuk van ‘n rot geloop.  Om meer spesifiek te wees, die agterkant van die gedierte. 

Dit was perongeluk, ek belowe!

Voordat ek oor hierdie sogenaamde onreine dier getrap het, het ek ‘n kriek geëet langs die naaste supermark.  Dit was lekker, maar al wat die smaak bietjie bederf het was die tarentaal spikkels wat oor hom gestrooi is en die feit dat hy heelaand verder in my maag geraas het.

Ek het gisteraand van ‘n varksnoet gedroom, is dit okay? OF moet ek onverskoning gaan vra?

Dit was perongeluk, ek belowe?  Ek beheer mos nie my onderbewussyn nie!

Ek was gister by die ‘verkeerdeplek’ dokter.  Ek is jammer.  Maar ek moes gaan.

Sal julle my ooit vergewe vir die dinge wat ek hardop sê en die res van die mense ingekronk sit en dink?

Kan iemand asseblief net die meisies wie se buuste uit hul toppie’tjie’tjies wil uitpop terugdruk!

En nou praat ek nie net van bo nie, maar van die agter-onderste deel ook! Het jy al ooit agter ‘n girl geloop wie se ‘kraak’ 5cm bo haar broek uitloer?  Kon jy nie konsentreer op dit wat een of ander persoon sê omdat twee groot rondings nie skaflik toegemaak is nie? 

Kan iemand my asseblief inlig, net hoekom party mense nie die term “skaflik” verstaan nie, is hierdie krake wat hulle ons so wys elke dag eintlik ‘n teken van ‘n kraak in hulle lewens? 

Ek glo in die vroulike vorm, ek glo in mooi rondings wat by gepaste geleenthede hulle talente kan afwys.  Maar moenie jou Stilleto’s klas toe dra nie, As jy buk gaan jou kraak uitsteek van jou stywe broek, en as jy vooroorleun is daar iets wat vir ander mense gaan loer!  Dis ook die tipe gedrag wat die verkeerde mans op die verkeerde plekke uitlok. 

Ek voel dat dames met respek nie hulself so rondwys nie en dat “leave something for the imagenary” nog van toepassing is in hulle lewens. 

Komaan dames, maak toe daai bene.  Zip op daai top.  En steek weg daai kraak.  Saam kan ons ‘n nasie van ingeblikte koeke wees met die soetse icing net vir diegene wat dit verdien om die blik oop te maak!

Ons het almal verby die 1 geloop met die seer toon.  Net voor hy omdraai en homself seermaak van skaamte oordat sy hoepel 8 vriend opgegooi het in die bak van ‘n verbygaande 3.  Die 3 het onmiddelik sy rug gedraai, ‘n 4 uit sy sak geruk en die 8 met 2 wilde swaaie deur sy 6 vingers gesteek. 

Die 8 sak af grond toe op die vlak van 5 met rooi syfers wat uit sy mond loop.  9 wolke kyk af op die storie en hou homself blind.  Soldaat 7 stroom verby en help om te red, tevergeefs.  8 is klaar besig om wegtekwyn in 10 deeltjies.  10 onophoudelike seer en uitputtende deeltjies.  Die 10 deeltjies ontmoet in park 12 om te besluit watse vorm hul nou gaan aanneem.  Hul besluit om die vorm van iets aan te neem wat elke eienskap van die 8 se lewe bevat.

Kom ons vorm ‘n skaamte?  Kom ons vorm dronkenskap?  Kom ons vorm geweld?  Kom ons vorm status? Kom ons vorm ignoreer?  Kom ons vorm hulpeloosheid? 

Kom ons vorm ‘n Mens!

“Okay!”

314815cd237c62bb6552.jpg

Ek het dit goed gedink om my belofte teenoor Da Mario na te kom op sy blog oor “Ek’s terug nie dood nie” en “Keuses oor sexy girls”. 

Girls maak julle self gereed vir ‘n wille, panti-oor-die-kop rut saam met Melanie.  Van vandag af soek ek tight-ass, diep donker bokkie-oë, blok arms, skoongeskeer of rugged gevreetjies, viriele/blas hande, Moses-plakkies voete, ‘n Torso van 300 Spartan soldate en ‘n rug wat “hou my vas” skree. 

 

Ek wil vir hierdie mans staar totdat my oë in twee simetriese kakebene verander en my hart oorstroom van vinnige asemhalings.  Ek wil van hierdie man in my bed droom totdat my enigste naeltjie inkrimp van begeerte.  Ek wil met my naels sy hele fisiese wese in my vel inforseer totdat ek volkome verlos is van enige ontrekkingsimptome.   Ek wil prente maak van ons kinders uit die “Son” se blaaie.  Ek wil my hele wese vergeet, my vriendinne afskeep en totaal en al behep raak met sy skoonheid.  Ek wil obsessie druk tot die uiterste en die vorms van sy lyf op my plafon skilder sodat ek elke  aand voor ek gaan slaap sy perfektheid oor my liggaam kan drapeer. 

 

   

“Maar dan sal ek eerder my hart vir ‘n klein boepie gee, met bruin eerlike ogies, sag en teer handjies, konsidirerende kuite, liefdevolle boudjies, romantiese lippe, ‘n skoon brein en ‘n bloedlyn wat “ek sal jou lief hê tot in ewigheid!” skree.  Want so ‘n man is beeldskoon!!”

Volgende Blad »